ഹാദിയ

നാടും നഗരവും ഗ്രാമവുമെല്ലാം

എവിടെയും ചർച്ചകൾ സംവാദങ്ങൾ പൊടിപൊടിക്കുന്നു ‘നാരീ’ നീ ആരെന്ന്?

അബലയാണവളെന്നു ചിലർ

പുരുഷനൊത്തൊളെന്ന് വേറെ ചിലർ

അല്ല, സർവംസഹയാണെന്ന് പലർ…..

അബലയല്ല അവൾ ചപലയല്ല അവൾ;

അമ്മയാണവൾ ഇണയാണവൾ…

മക്കൾക്ക്‌ തുണയായി

ഭർത്താവിന് ഇണയായി

കുടുംബത്തിന് വിളക്കായി

വെളിച്ചമേകുവോൾ നാരി നീ….

അറിവുതരും വെളിച്ചമൊന്നു മാത്രം…

ഗുണമേകും നിനക്കും കൂടെയുള്ളോർക്കും..

നാരിയെ ‘റാണി’യാക്കുന്നതും

‘നാറി’യാക്കുന്നതും അറിവാണെന്ന് ഓർമ വേണം…

നശിച്ചുപോകും ദേഹിക്കായി നേടൂമറിവിന്നു

മാനുജർ നാം; ഓർക്കുക

ആത്മാവിനുതകുന്ന ജ്ഞാനം നേടി

നീ റാണിയാവണം കൂട്ടുകാരീ….

നല്ലൊരറിവ് നേടീ  നിൻ ശിരസ്സിൽ

ചാർത്തുന്നൊരു മകുടമല്ലോ ‘ഹാദിയ’

ഇഹത്തിലും പരത്തിലും റാണിയാവാൻ

നാഥൻ തുണക്കട്ടെ നാരിമാരെ…